Ein Ffocws

Mae'r Partneriaeth Sgiliau Rhanbarthol Gogledd Cymru yn un o bedwar partneriaethau rhanbarthol ar draws Cymru. Fel PSR rydym yn cynhyrchu ac yn dadansoddi gwybodaeth am y farchnad lafur, yn ymgysylltu a chyflogwyr ac yn cynghori Llywodraeth Cymru ar y ddarpariaeth sgiliau yn seiliedig ar drosolwg cyflogwyr.

Mae'r Partneriaethau yn ffurfio rhan o ddull ehangach Llywodraeth Cymru mewn perthynas â datblygiad economaidd rhanbarthol. Mae hyn yn cynnwys yr ymrwymiad yn y Cynllun Gweithredu Economaidd i gynllunio strategol cryfach ar lefel ranbarthol ac o ran datblygiad Cynllun Twf Gogledd Cymru a’r Cynlluniau Dinas.

Mae Partneriaeth Sgiliau Rhanbarthol Gogledd Cymru yn dod a chyflogwyr, darparwyr sgiliau a rhan-ddeiliaid lleol allweddol ynghyd i gael gwell dealltwriaeth a datrys unrhyw broblemau o ran addasrwydd sgiliau ar lefel rhanbarthol a lleol. Nod gwaith y partneriaethau yw adnabod yr anghenion sgiliau presennol ac i’r dyfodol yn y rhanbarth, a defnyddio’r wybodaeth hon i siapio’r ddarpariaeth o addysg a hyfforddiant ôl-16.

Ein Cynllun Sgiliau a Chyflogadwyedd Rhanbarthol

Yn 2019, gofynnodd Llywodraeth Cymru i’r Bartneriaeth gymryd golwg mwy strategol, hirdymor o’r system sgiliau yn y rhanbarth drwy gynhyrchu Cynllun Sgiliau a Chyflogaeth Rhanbarthol tair blynedd ar gyfer 2019- 2022. Nod y cynllun yw cael system sgiliau Gogledd Cymru yn gweithio’n galetach ac yn fwy blaengar i gwrdd â swyddi, nawr ac yn y dyfodol. Lansiwyd a chyhoeddwyd cynllun Partneriaeth Gogledd Cymru ym mis Tachwedd 2019, yn dilyn ymgynghoriad eang â chyflogwyr a rhan-ddeiliaid.

Blaenoriaeth 1: Adeiladu gweithlu’r dyfodol a denu doniau
Blaenoriaeth 2: Datblygu sgiliau er mwyn creu Gogledd Cymru cynhwysol
Blaenoriaeth 3: Hyrwyddo canfyddiad am yrfaoedd, llwybrau gyrfaoedd a chyfleodd prentisiaethau